"Татхимфармпрепараты" АҖ

Хәзерге вакытта "Татхимфармпрепараты" АҖ составында ике заманча завод бар: химия-фармацевтика һәм җөй-хирургия материаллары заводы. Җәмгыятьтә югары фәнни-техник потенциал һәм ел саен йөрәк-кан тамырлары, антибиотиклар, ялкынсынуга каршы, вирусларга каршы, анальгетик, микробларга каршы, нейролептик, транквилизатор, шешләргә каршы, мигренозга каршы, седатив, метаболитик процессларны җайга салучы чаралар кебек 30 фармакология төркеменә караган төймә, төнәтмә, мазь, сироп, эретмә һәм паста рәвешендә 111 атамалы әзер дару чарасын чыгару мөмкинлеге булган эш куәтләре бар.